Samruni SÍA IV slhf., Stefnis hf. og Internets á Íslandi ehf

Samkeppniseftirlitið samþykkti samruna félaganna en Internet á Íslandi ehf. (ISNIC) starfar við þjónustu og sölu .is léna á markaði fyrir landshöfuðlén. Stefnir og SÍA starfa ekki á sama markaði og er því um samsteypusamruna að ræða. Aðilar styttu samkeppnisbann úr fimm í tvö ár. Það var niðurstaða Samkeppniseftirlitsins að samruninn styrkti ekki markaðsráðandi stöðu né raskaði samkeppni að öðru leyti.