Beiðni Félags íslenskra hljómlistarmanna um undanþágu á grundvelli 15. gr. samkeppnislaga til að gefa út gjaldskrá fyrir organistadeild félagsins

Samkeppniseftirlitinu barst beiðni frá Félagi íslenskra hljómlistarmanna um undanþágu á grundvelli 15. gr. samkeppnislaga fyrir sameiginlega gjaldskrá fyrir organistadeild félagsins. Taldi Samkeppniseftirlitið forsendur til að veita undanþágu á grundvelli ákvæðisins með þeirri takmörkun að gjaldskráin myndi aðeins gilda um þóknun fyrir organleik sem færi fram við útför og eftir atvikum við kistulagningu. Í því sambandi vísaði Samkeppniseftirlitið m.a. til sérstöðu þessara sérathafna miðað við aðrar sérathafnir. Að öðru leyti taldi Samkeppniseftirlitið Félagi íslenskra hljómlistarmanna óheimilt að ákveða og semja um eða á annan hátt fjalla um gjaldskrá fyrir hönd organistadeildar félagsins vegna organleiks við aðrar kirkjulegar sérathafnir, s.s. við giftingu eða skírnir.