Kaup Ölgerðarinnar Egill Skallagrímsson ehf. á hlut af rekstri Bako ehf

Með bréfi dags, 17. desember 2007, var Samkeppniseftirlitinu tilkynnt um kaup Ölgerðarinnar Egill Skallagrímsson ehf. á hlut af rekstri Bako ehf. Að mati Samkeppniseftirlitsins fela kaupin í sér samruna í skilningi 4. og 17. gr. samkeppnislaga og fellur samruninn undir samrunaeftirlit 17. gr. laganna þar með eru veltuskilyrði ákvæðisins uppfyllt. Athuganir Samkeppniseftirlitsins gefa hins vegar ekki til kynna að samruninn muni raska samkeppni. Í ljósi þessa er það mat eftirlitsins að ekki sé ástæða til að aðhafast frekar vegna samrunans á grundvelli 17. gr. samkeppnislaga.