Beiðni um framlengingu á heimild Eldsneytisafgreiðslunnar á Keflavíkurflugvelli ehf., til þess að starfrækja öryggis- og tækninefnd

Með bréfi, dags. 3. júlí 2007, var óskað af hálfu Eldsneytisafgreiðslunnar á Keflavíkurflugvelli ehf. (EAK) að heimild félagsins til þess að starfrækja öryggis- og tækninefnd skipaða fulltrúum eigenda sinna og framkvæmdarstjóra þess yrði framlengd. Að mati Samkeppniseftirlitsins var talið að þar sem starfsemi EAK færi gegn 10. gr. samkeppnislaga, og að félagið starfaði á grundvelli undanþágu frá því ákvæði sem og að teknu tilliti til þess að samkvæmt heimild í ákvörðun samkeppnisráðs nr. 27/2005 átti nefndin að starfa tímabundið, væru ekki forsendur fyrir hendi til þess að framlengja heimild EAK til þess að starfrækja umrædda öryggis- og tækninefnd. Var því beiðni EAK hafnað.