Samruni Malbikunarstöðvarinnar Hlaðbær-Colas hf. og Tak-malbik ehf.

Með bréfi, dags. 9. september sl., var Samkeppniseftirlitinu tilkynnt um kaup Malbikunarstöðvarinnar Hlaðbær-Colas hf. á  Tak-malbik ehf.  Það er niðurstaða eftirlitsins að kaupin feli í sér lóðréttan samruna í skilningi 17. gr. samkeppnislaga og að samruninn falli undir samrunaeftirlit 17. gr. a. laganna, þar sem veltuskilyrði eru uppfyllt.  Athuganir Samkeppniseftirlitsins gefa aftur á móti ekki til kynna að samruninn muni raska samkeppni og mun eftirlitið því ekki aðhafast frekar vegna samrunans á grundvelli 17. gr. c. samkeppnislaga.