Samruni DM ehf. og Parlogis hf.

Með bréfi dags. 25. maí 2007, var Samkeppniseftirlitinu tilkynnt um samruna dreifingarfyrirtækjanna DM ehf. og Parlogis hf. Fyrrnefnda fyrirtækið hefur sérhæft sig í lagerhaldi og dreifingu á bókum og skrifstofuvörum og –búnaði en hið síðar nefnda í dreifingu á lyfjum og þ.h. vörum. Að mati Samkeppniseftirlitsins fela kaupin í sér samruna í skilningi 4. og 17. gr. samkeppnislaga og fellur samruninn undir samrunaeftirlit 17. gr. laganna þar sem veltuskilyrði ákvæðisins eru uppfyllt. Athuganir Samkeppniseftirlitsins gefa hins vegar ekki til kynna að samruninn muni raska samkeppni. Í ljósi þessa er það mat eftirlitsins að ekki sé ástæða til að aðhafast frekar vegna samrunans á grundvelli 17. gr. samkeppnislaga.