Samningur Félags kjúklingabænda og landbúnaðarráðuneytisins um aðgerðir til útrýmingar salmonellu í kjúklingarækt

Neytendasamtökin óskuðu mats á því hvort samningur
milli Félags kjúklingabænda og landbúnaðarráðuneytisins um aðgerðir til að
útrýma salmonellu í kjúlkingarækt stæðust ákvæði samkeppnislaga. Það var mat
samkeppnisráðs að sú ráðstöfun sem kvartað var yfir og fólst í samningi við
tiltekin hagsmunasamtök í landbúnaði gerði þeim kleift með beinum hætti að
raska samkeppnisstöðu á viðkomandi markaði með því t.d. að styrkja einstaka
aðila til að hætta rekstri um lengri eða skemmri tíma. Ráðið beindi því til
landbúnaðarráðherra að haga framkvæmd sambærilegra aðgerða í framtíðinna með
öðrum hætti.