Álit um ákvæði póstlaga er varðar skilgreiningu á einkarétti Póst- og símamálastofnunar

Vísað er í ákvörðun
samkeppnisráðs nr. 8/1995. Athygli ráðherra var vakin á þeirri þróun í Evrópu
að dregið væri úr einkarétti póstyfirvalda hvers lands til póstdreifingar eða
hann afnumuinn að fullu.

Í ákvörðun
Samkeppnisráðs nr. 8/1995, vegna erindis Póstdreifingar hf., kæmi fram að ráðið
teldi forsendu þess að koma mætti á virkri samkeppni í póstþjónustu að
fjárhagslega yrði skilið á milli þess hluta póstþjónustu Póst- og
símamálastofnunar sem rekin væri samkvæmt einkarétti og þess hluta sem ekki væri
háður einkarétti. Að mati samkeppnisráðs væri þörf á nánari skilgreiningu á
einkarétti Póst- og símamálastofnunar samkvæmt póstlögum nr. 33/1986 til þess
að unnt væri að koma við fjárhagslegum aðskilnaði í skilningi samkeppnislaga.

Samkeppnisráð benti á
nauðsyn þess að einkaréttarákvæði póstlaga yrði skilgreint nánar svo að ekki léki
neinn vafi á því hvaða póstþjónusta væri háð einkarétti. Þá þyrfti að taka
tillit til þess hvaða kostnaður lægi að baki einkaréttarþjónustunni.