Erindi Félags hópferðaleyfishafa um mismunun í starfsskilyrðum hópferðaleyfishafa og sérleyfishafa

Í erindi Félags hópferðaleyfishafa var kvartað yfir
mismunun í starfsskilyrðum hópferðaleyfishafa gagnvart sérleyfishöfum sem rekja
mætti til ákvæða í lögum og reglum sem vörðuðu aðila og beitingu heimilda í
þeim. Samkeppnisráð beindi þeim tilmælum til samgönguráðherra að umræddri
mismunun yrði eytt, að gerð yrði könnun á rekstrarafkomu sérleyfishafa á
einstökum leiðum, að sérleyfi með langferðabifreiðum á leiðum sem stæðu undir
sér þegar ríkisstyrkir ríkisstyrkir væru frátaldir yrðu felld úr gildi og að
þær leiðir sem sannanlega þyrftu að njóta opinberra styrkja yrðu boðnar út.