Kvörtun sjálfstætt starfandi dýralækna vegna gjaldskrármála og starfsemi héraðsdýralækna

Kvartað var yfir
samkeppnislegu ójafnræði héraðsdýralækna og sjálfstætt starfandi dýralækna.
Samkeppnisráð taldi að samkeppnishamlandi ákvæði væru í lögum um dýralækna og
að markmiði samkeppnislaga yrði ekki náð með því einu að fella úr gildi
gjaldskrá dýralækna. Til að uppfylla ákvæði og markmið samkeppnislaga taldi
samkeppnisráð nauðsynlegt að lögum um dýralækna yrði breytt á þann hátt að
dýralæknum yrðu sköpuð þau skilyrði að samkeppni í atvinnugreininni væri
möguleg á jafnræðisgrundvelli.