Erindi Arnóls ehf. vegna túlkunar ríkisskattstjóra á undanþáguákvæðum virðisaukaskattslaga

Erindi barst frá félagi sem rekur veitingahús með
kvörtun yfir samkeppnisstöðu þess gagnvart keppinautunum Þjóðleikhúsinu og
Þjóðleikhúskjallaranum annars vegar og Iðnó og Iðnó við Tjörnina hins
vegar,  vegna undanþáguákvæðis
virðisaukaskattslaga. Í ljósi þess að kvartandi var a.m.k að hluta til á
sama markaði og önnur leikhús og keppti þar af leiðandi við þau, skekkti það að
mati samkeppnisráðs samkeppnisstöðu fyrirtækisins að geta ekki keppt á
jafnræðisgrundvelli vegna þess að fyrirtækið nyti ekki sömu undanþágu til að
greiða ekki virðisaukaskatt af aðgöngumiðum og keppinautarnir. Það er
grundvallaratriði í samkeppnisrétti að fyrirtæki á sama markaði búi við sömu
samkeppnisskilyrði og þá sérstaklega hvað varðar túlkun opinberra aðila á lögum
og reglugerðum. Samkeppnisráð taldi túlkun ríkisskattstjóra á 4. tl. 3. mgr. 2.
gr. laga nr. 50/1988, eins og hún kom fram í bindandi áliti ríkisskattstjóra,
leiða til samkeppnislegrar mismununar milli keppinauta og raska þar með samkeppni.
Samkeppnisráð beindi þeim tilmælum til ríkisskattstjóra að hann beitti sér
fyrir því að samskonar reglur giltu að þessu leyti gagnvart öllum keppinautum.