Kvörtun snyrtifræðinga vegna synjunar á viðurkenningu á starfsleyfi

Erindi barst frá snyrtifræðingum sem lokið höfðu
námi í snyrtifræði við tiltekinn skóla vegna synjunar menntamálaráðuneytisins
um viðurkenningu á iðnréttindum. Fram kom að mat á umsóknum um iðnréttindi færi
fram hjá nefnd sem m.a. væri skipuð tveimur snyrtifræðingum tilnefndum af
Félagi íslenskra snyrtifræðinga. Mæltist samkeppnisráð til þess að reglum yrði
breytt þannig að faglegt mat á erlendu námi í snyrtifræði færi fram hjá
menntamálaráðuneytinu eða öðrum sem ekki ættu hagsmuna að gæta.