Samkeppnishömlur Sveitarfélagsins Hornafjarðar við synjun á aðstöðu til ferðaþjónustu við Jökulsárlón

Með áliti þessu beinir Samkeppniseftirlitið þeim tilmælum til Sveitarfélagsins Hornafjarðar að það beiti sér fyrir því, eftir því sem við á og er á valdsviði sveitarfélagsins,  að stuðlað verði að virkri samkeppni á markaði fyrir rekstur ferðaþjónustu við Jökulsárlón. Er álitið birt í framhaldi af athugunum Samkeppniseftirlitsins á erindum Ice Lagoon ehf. til eftirlitsins vegna meintra brota á samkeppnislögum í tengslum við rekstur ferðaþjónustu við Jökulsárlón og aðgangshindrunar að þeim markaði.