Umsögn Samkeppniseftirlitsins um frumvarp til laga um breytingu á raforkulögum, nr. 65/2003 (raforkuviðskipti)

Fyrir Alþingi liggur frumvarp frá umhverfis-, orku- og loftlagsráðherra sem varðar umgjörð raforkumála á Íslandi. Vísar Samkeppniseftirlitið nánar tiltekið til frumvarps til laga um breytingu á raforkulögum, nr. 65/2003 (raforkuviðskipti), þingskjal 214 – 191. mál, sem er til umfjöllunar í atvinnuveganefnd. Samkeppniseftirlitið styður meginmarkmið fyrirliggjandi frumvarpsins og telur að frumvarpið muni styrkja heildsölumarkaði með raforku, bæta verðmyndun og efla eftirlit með ólögmætri háttsemi.