Umsögn Samkeppniseftirlitsins um drög að frumvörpum um raforkuöryggi, raforkuviðskipti og einföldun og samræmingu leyfisferla

Almennt styður Samkeppniseftirlitið meginmarkmið fyrirliggjandi frumvarpa en gerir athugasemdir við tiltekin atriði sem varða áhrif þeirra á samkeppni og nánar er gerð grein fyrir. Í fyrsta lagi telur Samkeppniseftirlitið brýnt að settar séu hlutlægar reglur um raforkuöryggi og telur málefnalegt að almenningur og samfélagslega mikilvægir innviðir njóti forgangs að raforku umfram stórnotendur í samræmi við þær heimildir sem reglukerfi raforkumarkaðar mælir fyrir um.