Diskurinn ehf., Dagsbrún hf. og Sena ehf. og Baugur Group hf. gegn Samkeppniseftirlitinu

Áfrýjunarnefnd samkeppnismála felldi úr gildi ákvörðun Samkeppniseftirlitsins nr. 22/2006, þar sem samruni Dagsbrúnar hf. og Senu hf. var ógiltur. Var talið að andmælaréttar allra aðila hafi ekki verið tryggður með nægjanlegum hætti, sbr. einnig 3. mgr. 17. gr. málsmeðferðarreglna Samkeppniseftirlitsins. Var talið að þeir annmarkar á meðferð málsins væru svo verulegir að óhjákvæmilegt væri að ómerkja málsmeðferðina hjá Samkeppniseftirlitinu í máli þessu í heild sinni. Var hin áfrýjaða ákvörðun því felld úr gildi.