Kaup FoodCo hf. á eignum og rekstri Veitingahússins Greifinn ehf.

Samkeppniseftirlitinu barst tilkynning um kaup FoodCo hf. á eignum og rekstri Veitingahússins Greifinn ehf. Að mati Samkeppniseftirlitsins fólu kaupin í sér samruna í skilningi 4. og 17. gr. samkeppnislaga og féll samruninn undir samrunaeftirlit 17. gr. laganna þar sem veltuskilyrði ákvæðisins voru uppfyllt. Athuganir Samkeppniseftirlitsins gáfu hins vegar ekki til kynna að samruninn myndi raska samkeppni. Í ljósi þessa var það mat eftirlitsins að ekki væri ástæða til að aðhafast frekar vegna samrunans á grundvelli 17. gr. samkeppnislaga.