Beiðni Olíudreifingar ehf. og Skeljungs hf. um framlengingu á undanþágu vegna söfnunar og förgunar á úrgangsolíu

Samkeppniseftirlitið hefur haft til skoðunar beiðni Skeljungs hf. og Olíudreifingar ehf. um að undanþága sem Samkeppniseftirlitið veitti á grundvelli ákvæðis 15. gr. samkeppnislaga með ákvörðun nr. 24/2013, Ósk umhverfis- og auðlindaráðuneytisins um undanþágu frá 10. gr. samkeppnislaga nr. 44/2005 vegna samstarfs félaganna um söfnun og förgun á úrgagnsolíu, yrði framlengd. Að mati Samkeppniseftirlitsins hafa þær forsendur sem lágu til grundvallar veitingu undanþágu með ákvörðun nr. 24/2013 ekki breyst og eru skilyrði 15. gr. samkeppnislaga enn uppfyllt í málinu. Fellst Samkeppniseftirlitið því á að framlengja umrædda undanþágu til 30. nóvember 2023 með sömu skilyrðum og sett voru með hinni fyrri ákvörðun.