Kvörtun Össurar hf. yfir útboði Tryggingastofnunar ríkisins og Ríkiskaupa

Kvartað var yfir framkvæmd útboðs og málsmeðferð sem
viðhöfð hefði verið. Það var mat samkeppnisráðs
að málsmeðferð í útboði Tryggingastofnunar og Ríkiskaupa á spelkum, gervilimum
og bæklunarskóm yrði ekki tekin til athugunar á grundvelli samkeppnislaga. Sá
þáttur erindis Össurar hf. er varðaði útboðsmeðferðina sneri í raun að því
hvort opinber aðili hefði í starfsemi sinni farið eftir þeim lögum og reglum
sem honum bar að hlíta. Úrskurðarvald um slík meint lagabrot heyrði undir önnur
stjórnvöld og dómstóla. Af þessum sökum þótti ekki ástæða til íhlutunar samkeppnisráðs
á grundvelli samkeppnislaga vegna útboðsmeðferðarinnar.  Málinu
var vísað frá samkeppnisráði.