Rekstur á líkamsræktaraðstöðu í húsakynnum Íþróttamiðstöðvar Vestmannaeyjabæjar

Samkeppniseftirlitið og Vestmannaeyjabær hafa gert með sér sátt vegna útleigu bæjarins á húsnæði til reksturs líkamsræktarstöðva samhliða sölu á árskortum í sundlaugar bæjarins. Viðskiptavinir líkamsræktarstöðvanna fengu mikinn afslátt af almennu verði árskorta í sundlaugarnar. Í sáttinni er m.a. kveðið á um að Vestmannaeyjabær skuli bjóða leigu á umræddu húsnæði út á markaði og selja viðskiptavinum líkamsræktarstöðvanna aðgang að sundlaugum og baðaðstöðu á verði, sem ekki verði lægra en lægsta gjald sem almennum sundlaugargestum standi til boða, þegar þeir kaupa sér aðgang sem einstaklingar.