Kaup Horns III slhf. á hlut í Basko ehf.

• Sækja skjal
• Málsnúmer: 26/2016
• Dagsetning: 20/9/2016
• Fyrirtæki:
  • Horn III slhf.
  • Basko ehf.
• Atvinnuvegir:
  • Neysluvörur, rekstrarvörur o.fl.
  • Matvörur
• Málefni:
  • Samrunamál
• Reifun

  Samkeppniseftirlitið hefur haft til umfjöllunar kaup Horns III slhf. á 80% hlut í Basko ehf. Basko er eignarhaldsfélag og eru helstu eignir félagsins verslanakeðjurnar 10-11 og Iceland. Jafnframt rekur félagið kaffihús undir vörumerkinu Dunkin‘ Donuts. Starfsemi Horns III felst í fjárfestingum í hlutabréfum og öðrum fjármálagerningum, lánastarfsemi tengdri fjárfestingum og tengdum rekstri. Félagið er framtakssjóður sem stofnaður er af Landsbréfum hf., dótturfélagi Landsbankans hf. Rannsókn Samkeppniseftirlitsins leiddi í ljós að engin samþjöppun á sér stað á skilgreindum markaði þessa máls í kjölfar samrunans. Sett hafa verið skilyrði í málinu sem ætlað er að tryggja samkeppnislegt sjálfsstæði Landsbréfa og Basko gagnvart Landsbankanum. Í skilyrðum er einnig mælt fyrir um tiltekna meðferð upplýsinga gagnvart þeim aðilum sem eiga hluti í fleiri en einu fyrirtæki á markaðnum.  Að undangenginn rannsókn er það niðurstaða eftirlitsins að umrædd skilyrði leysi þá samkeppnisbresti sem ella hefðu stafað af samrunanum.