Kaup Artasan ehf. (Veritas Capital ehf.) á rekstri IceCare ehf.

• Sækja skjal
• Málsnúmer: 29/2017
• Dagsetning: 15/8/2017
• Fyrirtæki:
  • Artasan ehf.
  • IceCare ehf.
• Atvinnuvegir:
  • Neysluvörur, rekstrarvörur o.fl.
  • Ýmsar neytendavörur sem ekki eru tilgreindar annars staðar (sérverslun)
• Málefni:
  • Samrunamál
• Reifun

  Samkeppniseftirlitið hefur haft til skoðunar kaup Artasan ehf. á IceCare ehf. Artasan er dótturfélag Veritas Capital sem er móðurfélag nokkurra fyrirtækja sem starfa á heilbrigðissviði m.a. við heildsölu og dreifingu lyfja og lækningatækja. Starfsemi Artasan felst í heildsölu á annars vegar samheitalyfjum og hins vegar ýmis konar heilsuvörum, m.a. vítamínum og bætiefnum. IceCare er heildsala sem selur ýmiskonar heilsuvörur til smásala.
  

  Við rannsókn málsins kom í ljós að staða samrunaaðila á einstaka undirmörkuðum bætiefnimarkaðarins er sterk, einkum á markaði fyrir bætiefni fyrir liði. Með sátt við Samkeppniseftirlitið hafa samrunaaðilar gengist undir það skilyrði að undanskilja umboð IceCare á sviði liðbætiefna frá viðskiptunum.