Kaup Alvogen Iceland ehf. á samheitalyfjum Teva á Íslandi

• Sækja skjal
• Málsnúmer: 32/2017
• Dagsetning: 22/9/2017
• Fyrirtæki:
  • Alvogen Iceland ehf.
  • Teva á Íslandi
• Atvinnuvegir:
  • Neysluvörur, rekstrarvörur o.fl.
  • Lyf, stoðtæki (t.d. gleraugu) og tengdar vörur
• Málefni:
  • Samrunamál
• Reifun

  Samkeppniseftirlitið hefur haft til meðferðar kaup Alvogen Iceland ehf. á tilteknum samheitalyfjum fyrirtækisins Teva Pharmaceuticals Europe B.V. á Íslandi. Upphaf málsins má rekja til meðferðar framkvæmdastjórnar ESB á samruna lyfjafyrirtækjanna Teva og Allergan Generics (Actavis). Í ákvörðun sinni vegna samrunans setti framkvæmdastjórnin þau skilyrði um að samheitalyf Teva á Íslandi yrðu seld út úr rekstrinum. Var þeim skilyrðum ætlað að tryggja samkeppni á íslenska samheitalyfjamarkaðinum.  

  Alvogen og Teva komust að samkomulagi um kaup Alvogen á þeim samheitalyfjum sem Teva hafði markaðssett á Íslandi. Taldi Samkeppnieftirlitið að það fæli í sér samruna og kallaði því eftir tilkynningu skv. 3. mgr. 17. gr. b. samkeppnislaga. Komst Samkeppniseftirlitið að þeirri niðurstöðu í rannsókn sinni að samruninn kæmi ekki til með að hafa skaðleg áhrif á samkeppni á milli keppinauta á sama sölustigi (lárétt áhrif). Aftur á móti taldi Samkeppniseftirlitið að samruninn myndi hugsanlega leiða til lóðréttrar útilokunar keppinautarins Lyfis sem hafði dreift Teva lyfjunum á Íslandi undanfarin ár. Við meðferð málsins óskaði Alvogen eftir sáttaviðræðum við Samkeppniseftirlitið. Leiddu þær til sáttar sem felur í sér að Lyfis fær lengri umþóttunartíma til þess að bregðast við missi dreifingarsamnings vegna Teva lyfjanna.