Kaup Regins hf. á FAST-2 ehf. og HTO ehf.

Samkeppniseftirlitið
hefur haft til umfjöllunar kaup Regins hf. á öllu hlutafé í fasteignafélögunum
HTO ehf. og FAST-2 ehf. Félögin voru bæði í eigu FAST-1 slfh. Samruninn
felur í sér kaup Regins á 100% hlutafjár í HTO og FAST-2. Ráðgert er að hin
keyptu félög verði rekin sem aðskilin einkahlutafélög og Reginn verður áfram
skráð í Nasdaq OMX kauphöllina á Íslandi.Kaup Regins hf. á öllu hlutafé í
FAST-2 ehf. og HTO ehf. fela í sér samruna í skilningi samkeppnislaga.

Að
undangenginni rannsókn og með hliðsjón af gögnum málsins er það mat
Samkeppniseftirlitsins að samruninn hindri ekki virka samkeppni og leiði ekki
til myndunar á markaðsráðandi stöðu. Þá leiðir hann ekki til þess að samkeppni
á markaði raskist að öðru leyti með umtalsverðum hætti. Því eru ekki forsendur
að aðhafast vegna samrunans á grundvelli 17. gr. c. samkeppnislaga nr. 44/2005.