Kaup Daga hf. á hluta af rekstri Bragðgotts ehf.

• Sækja skjal
• Málsnúmer: 17/2019
• Dagsetning: 23/5/2019
• Fyrirtæki:
  • Dagar hf.
  • Bragðgott ehf.
• Atvinnuvegir:
  • Neysluvörur, rekstrarvörur o.fl.
  • Matvörur
• Málefni:
  • Samrunamál
• Reifun

  Samkeppniseftirlitið hefur haft til umfjöllunar kaup Daga hf. (áður ISS Íslandi) á hluta af rekstri Bragðgotts ehf. Tilgangur Daga hf. samkvæmt samþykktum þess er alhliða ræstingarþjónusta og hvers konar þjónusta er tengist slíkum viðskiptum, kaup og rekstur fasteigna, fasteignaumsjón, veitingaþjónusta, lánastarfsemi og annar skyldur atvinnurekstur. Tilgangur Bragðgotts ehf. samkvæmt samþykktum er veitingarekstur, veitingasala, rekstur fasteigna og ásamt námskeiðahaldi.

  Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni og leiði þar af ekki til myndunar á markaðsráðandi stöðu. Þá leiðir hann ekki til þess að samkeppni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c. samkeppnislaga nr. 44/2005.