Kaup Orkla ASA á eignarhlut í Nóa Síríusi hf

Samkeppniseftirlitið tók til rannsóknar kaup Orkla ASA á 20% eignarhlut í Nóa Síríusi hf. Með kaupunum og tengdum gerningum öðlast Orkla yfirráð yfir Nóa Síríusi í skilningi samkeppnislaga. Fyrirtækin starfa aðeins að hluta til á sama sviði, þ.e. annars vegar á markaðnum fyrir heildsölu á sælgæti og hins vegar markaðnum fyrir heildsölu á snakki. Að mati Samkeppniseftirlitsins gaf rannsókn málsins ekki til kynna að tilefni væri til íhlutunar vegna viðskiptanna.