Leit í úrlausnum: sláið inn efnisorð og/eða veljið úr valmyndinni hér fyrir neðan.

Ákvarðanir

Samkeppniseftirlitið heimilar samstarf lánveitenda til þess að fresta innheimtu skulda

  • Sækja skjal
  • Málsnúmer: 13/2020
  • Dagsetning: 23/3/2020
  • Fyrirtæki:
    • Samtök fjármálafyrirtækja
    • Landssamtök lífeyrissjóða
  • Atvinnuvegir:
    • Fjármálaþjónusta
  • Málefni:
    • Undanþágur
  • Reifun

    Samkeppniseftirlitið hefur í dag heimilað samstarf lánveitenda á vettvangi Samtaka fjármálafyrirtækja og Landssambands lífeyrissjóða, sem miðar að því koma til framkvæmda tímabundinni frestun á innheimtu lána fyrirtækja. Eru þessar aðgerðir liður í viðbrögðum við COVID-19.

    Samstarfið er bundið skilyrðum sem ætlað er að tryggja enn frekar hagsmuni fyrirtækja sem nú standa frammi fyrir óvæntum rekstrarerfiðleikum af völdum COVID-19. Þannig eiga skilyrðin að tryggja að samstarf lánveitenda komi ekki í veg fyrir að einstakir lánveitendur geti veitt viðskiptavinum sínum frekari greiðsluerfiðleikaúrræði en samkomulagið kveður á um.

    Einnig stuðla skilyrðin að því að lánveitendur geti aðlagað afgreiðslu frestana að fenginni reynslu og að öðru leyti komið til móts við þarfir lífvænlegra fyrirtækja.

    Ákvörðunin felur í sér undanþágu frá banni samkeppnislaga við samstarfi keppinauta.