Kaup Orkusölunnar ehf. og RARIK ohf. á Rafveitu Reyðarfjarðar

Samkeppniseftirlitið hefur haft til umfjöllunar kaup Orkusölunnar ehf. og RARIK ohf. á Rafveitu Reyðarfjarðar.

Samkeppniseftirlitið komst að þeirri niðurstöðu að markaður sem mál þetta varðar sé einkum markaðurinn fyrir framleiðslu og sölu á raforku í smásölu annars vegar og markaðurinn fyrir dreifingu raforku hins vegar. Að mati Samkeppniseftirlitsins er landfræðilegur markaður fyrir framleiðslu og sölu á raforku Ísland, landið allt, þar sem raforkukerfið hér á landi myndar eitt net sem teygir sig um allt landið. Með vísan til umfjöllunar í ákvörðun er það niðurstaða Samkeppniseftirlitsins að viðkomandi samruni leiði ekki til þess að markaðsráðandi staða verði til eða styrkist eða að samruninn leiði til þess að samkeppni raskist að öðru leyti með umtalsverðum hætti, sbr. 17. gr. c. samkeppnislaga.