Samruni KG Fiskverkunar ehf. og Valafells ehf

Með ákvörðuninni var tekin afstaða til samruna KG Fiskverkunar ehf. og Valafells ehf. KG Fiskverkun ehf. er fiskvinnslu- og útgerðarfyrirtæki og gerir út línuskipið Tjald SH-270. Valafell er útgerðarfélag sem rekur fiskvinnslu og gerir út dragnótarbátinn Ólaf Bjarnason SH-137. Eftir rannsókn á samrunanum varð það mat Samkeppniseftirlitsins að ekki væri tilefni til íhlutunar vegna samrunans þar sem ekki væru vísbendingar um að markaðsráðandi staða væri að myndast eða að samruninn leiddi að öðru leyti til umtalsverðrar röskunar á samkeppni.