Kaup Fastus ehf. á öllu hlutafé í Expert ehf., Expert kælingu ehf., 1311 heild ehf. og 50% hlut í Fossraf ehf.

Með ákvörðuninni var tekin afstaða til samruna Fastus ehf., Expert ehf., Expert kælingu ehf., 1311 heild ehf. og Fossraf ehf. Starfsemi samrunaaðila skarast ekki með þeim hætti að tilefni var til íhlutunar. Sú starfsemi sem samruninn tók til var m.a. talin varða a) viðhalds- og viðgerðarþjónustu fyrir viðskiptavini á stórnotendamarkaði, (b) almennri rafvirkjaþjónustu við smærri raftæki, (c) sölu á klakavélum, kæliklefum og kæliskápum; frystiklefum, frystiskápum og frystiborðum ásamt kælipressum og condensum fyrir slíkar vörur og (d) sölu á tilteknum borðbúnaði. Eftir rannsókn á samrunanum varð það mat Samkeppniseftirlitsins að ekki væri tilefni til íhlutunar vegna samrunans þar sem ekki væru vísbendingar um að markaðsráðandi staða væri að myndast eða að samruninn leiddi að öðru leyti til umtalsverðrar röskunar á samkeppni.