Samruni Heimilistækja ehf. og Ásbjörns Ólafssonar ehf.

Samkeppniseftirlitið hefur haft til umfjöllunar samruna Heimilistækja ehf. og Ásbjörns Ólafssonar ehf. Samkvæmt samrunaskrá er helsta skörun á starfsemi félaganna á markaði fyrir sölu á húsbúnaðarvöru þar sem Ásbjörn Ólafsson starfar að mestu leyti á heildsölustigi á meðan Heimilistæki starfa aðallega á smásölustigi.

Að undangenginni rannsókn og með hliðsjón af gögnum málsins er það mat Samkeppniseftirlitsins að samruninn hindri ekki virka samkeppni og leiði þar af ekki til myndunar á markaðsráðandi stöðu. Þá leiðir hann ekki til þess að samkeppni á markaði raskist að öðru leyti með umtalsverðum hætti. Því eru ekki forsendur til að aðhafast vegna samrunans á grundvelli 17. gr. c. samkeppnislaga nr. 44/2005.