Erindi vegna starfsemi Blindrabókasafnsins á markaðnum fyrir sölu hljóðbóka

Samkeppniseftirlitið hefur mælt fyrir um að Blindrabókasafn  Íslands skuli skilja fjárhagslega á milli rekstrar safnsins annars vegar og framleiðslu og miðlun safnsins á hljóðbókum í nafni fyrirtækisins Orð í eyra á almennan markað hins vegar. Starfsemi Orðs í eyra á vegum Blindrabókasafnsins er rekin í samkeppni við einkaaðila sem framleiða og dreifa hljóðbókum á almennan markað. Samkeppniseftirlitið  telur, að óbreyttu, þ.e. ef ekki er fjárhagslega skilið á milli þeirrar starfsemi Blindrabókasafnsins sem nýtur opinberra fjárframlaga annars vegar og útgáfu og dreifingar hljóðbóka á almennan markað hins vegar raski það  samkeppni á almennum markaði fyrir útgáfu og sölu hljóðbóka.