Kvörtun vegna fasteignagjalda gististaða

Í erindi Sambands veitinga- og gistihúsa var
mismunun í álagningu fasteignagjalda á gististaði mótmælt. Það var mat
samkeppnisráðs að það stríddi gegn markmiði samkeppnislaga að húseignir sem
nýttar væru á gistimarkaðnum bæru mismunandi 
hlutfall af álagningarstofni í fasteignagjöldum. Var þeim tilmælum beint
til félagsmálaráðherra að hann beitti sér fyrir að jafnræðis í reglum og túlkun
þeirra yrði gætt samkvæmt nánari útfærslu.