Erindi Sambíóanna um meinta mismunun við innheimtu á skemmtanaskatti hjá kvikmyndahúsum

Kvartað var yfir því að kvikmyndahúsum væri gert að
greiða 15% skemmtanaskatt í ríkissjóð öðrum en Háskólabíói og Laugarásbíói sem
greiddu í aðra sjóði tengda bíóunum. Það var álit samkeppnisráðs
að þær aðstæður sem rekja mætti til þess að skemmtanaskattur af
kvikmyndasýningum einstakra kvikmyndahúsa rynni að stórum hluta til eigenda
sömu húsa skekkti samkeppnisstöðu og gæti skaðað samkeppnina á markaði
kvikmyndahúsanna. Með vísan til þess lagði ráðið til við menntamálaráðherra að
jafna samkeppnisstöðu kvikmyndahúsanna með því t.d. að beita sér fyrir því að
undanþáguákvæði sem tóku til kvikmyndahúsa í 6. gr. laga um skemmtanaskatt nr.
58/1970 yrði felld úr gildi.