Kvörtun Verslunarráðs Íslands yfir skilmálum ÁTVR í viðskiptum við birgja

• Sækja skjal
• Málsnúmer: 6/1997
• Dagsetning: 18/9/1997
• Fyrirtæki:
  • Verslunarráð Íslands
• Atvinnuvegir:
  • Neysluvörur, rekstrarvörur o.fl.
• Málefni:
  • Samkeppni og hið opinbera
• Reifun

  Verslunarráð Íslands krafðist íhlutunar samkeppnisráðs vegna einhliða ákvörðunar ÁTVR um greiðslufrest á áfengisgjaldi gagnvart birgjum. Að mati samkeppnisráðs fólu skilmálar ÁTVR í sér óhæfilega takmörkun á frelsi innflytjenda til viðskipta við ÁTVR. Beiting skilmálanna taldist því vera misnotkun á markaðsráðandi stöðu ÁTVR. Í ljósi þessa leit samkeppnisráð svo á, að skilmálarnir gengju gegn markmiðum samkeppnislaga þar sem þeir væru til þess fallnir að styrkja markaðsráðandi stöðu ÁTVR og veikja starfsemi einkaaðila í innflutningi og heildsölu áfengis, með þeim afleiðingum að hætt væri við að keppinautum aðfangadeildar ÁTVR fækkaði. Var þeim tilmælum beint til fjármálaráðherra að hann hlutaðist til um nauðsynlegar breytingar á reglum.