Erindi Skeljungs hf. varðandi ákvæði laga um jöfnun á flutningskostnaði olíuvara

• Sækja skjal
• Málsnúmer: 11/1995
• Dagsetning: 22/11/1995
• Fyrirtæki:
  • Skeljungur hf
• Atvinnuvegir:
  • Neysluvörur, rekstrarvörur o.fl.
• Málefni:
  • Samkeppni og hið opinbera
• Reifun

  Óskað var álits á því hvort ákvæði og framkvæmd laga um jöfnun flutningskostnaðar olíuvara stangaðist á við markmið samkeppnislaga og torvelduðu frjálsa samkeppni.

  Samkeppnisráð leit svo á að ríkisstuðningur í formi verðjöfnunar á olíuvörum gæti samrýmst meginreglum samkeppnislaga, enda leiddi verðjöfnunin ekki til mismununar í garð einstakra fyrirtækja eða neytendahópa. Það var álit ráðsins að sú flokkaskipting, sem ákveðin var samkvæmt lögum um jöfnun á flutningskostnaði olíuvara, gæti leitt til slíkrar mismununar og þar með í vissum tilvikum torveldað frjálsa samkeppni. Í samræmi við það og með vísan til 19. gr. samkeppnislaga vakti samkeppnisráð athygli ráðherra á þessu atriði.