Fura ehf. gegn Samkeppniseftirlitinu

Krafa áfrýjanda í máli þessu beinist að þeirri ákvörðun Samkeppniseftirlitsins að aðhafast ekki frekar á grundvelli kvörtunar hans 23. júní 2025 sem lýtur að ætluðu broti Landsnets hf. og HS Veitna hf. gegn 11. gr. samkeppnislaga vegna uppsagnar á samningum um raforkuafhendingu til áfrýjanda. Með ákvörðuninni var því nánar tiltekið hafnað að hefja formlega rannsókn á grundvelli kvörtunar áfrýjanda auk þess sem hafnað var kröfu hans um að Samkeppniseftirlitið tæki bráðabirgðaákvörðun í málinu.