Samkeppniseftirlitið hefur nú birt rit nr. 6/2024 , Markaðsgreining – markaður fyrir útleigu atvinnuhúsnæðis. Í skjalinu er að finna greiningu á markaði fyrir útleigu atvinnuhúsnæðis.
Greiningin byggir aðallega á samrunarannsóknum Samkeppniseftirlitsins veturinn 2023 til 2024 í málum sem lauk án ákvörðunar vegna fyrirhugaðra samruna fasteignafélaga sem ekki varð af.
Umræddar rannsóknir voru ítarlegar, þ.m.t. gagnaöflun Samkeppniseftirlitsins um starfsemi fasteignafélaga og samkeppni þeirra.
Í ljósi hlutverks Samkeppniseftirlitsins samkvæmt samkeppnislögum og í leiðbeiningarskyni er markaðsgreiningin birt í þeirri von um að hún nýtist markaðsaðilum og öðrum áhugasömum. Í ritinu er einnig að finna leiðbeiningar til fasteignafélaga og ráðgjafa þeirra. Umfjöllun um samkeppnisaðstæður á markaði í greiningunni eru eins og þær blöstu við á þeim tíma sem rannsóknir fóru fram.
Hægt er að nálgast markaðsgreininguna hér. Í viðauka við ritið er einnig að finna niðurstöðuskýrslu Gallup vegna könnunar sem framkvæmd var hjá viðskiptavinum fasteignafélaga.
"*" indicates required fields
