Þekking og viðhorf stjórnenda íslenskra fyrirtækja til samkeppnismála

Í skýrslu nr. 7/2024 eru birtar niðurstöður könnunar sem
Félagsvísindastofnun framkvæmdi fyrir Samkeppniseftirlitið á meðal stjórnenda
íslenskra fyrirtækja árið 2023. Um var að ræða netkönnun sem send var til
forsvarsmanna íslenskra fyrirtækja og svör bárust frá breiðum hópi stjórnenda
fyrirtækja úr öllum kimum íslensks atvinnulífs. Í skýrslunni eru niðurstöður
könnunarinnar greindar og settar í samhengi við niðurstöður úr sambærilegri
könnun sem framkvæmd var árið 2020 og álíka kannanir sem framkvæmdar hafa verið
erlendis. Í viðauka við skýrsluna er niðurstöðuskýrsla Félagsvísindastofnunar
þar sem sjá má ítarlegar niðurstöður allra spurninga og greiningu eftir
bakgrunnsbreytum, en viðaukann má nálgast hér: https://www.samkeppni.is/media/skyrslur-2024/Vidauki-til-birtingar.pdf