Mannauður

Samkeppniseftirlitið byggir afl sitt og getu fyrst og fremst á mannauði, þ.e. hæfu og reyndu starfsfólki og jafnframt aðgangi að hæfustu sérfræðingum á sínu sviði, t.d. með góðum tengslum við háskóla- og fræðasamfélagið. Mikil áhersla er lögð á að Samkeppniseftirlitið sé í aðstöðu til að laða að sér og halda í gott starfsfólk. Lykillinn að því er að rekin sé kerfisbundin og markviss starfsmannastefna þar sem áhersla er m.a. lögð á:

starfsánægju með mótun spennandi starfa, jafnvægi milli vinnu og einkalífs og samkeppnishæfum starfskjörum
starfsþróun með reglulegum starfsmannasamtölum og framkvæmd símenntunarstefnu
þekkingaruppbyggingu, með því að flétta saman yfirsýn og sérhæfingu
árangur í starfi, sem leiðir af öllu framangreindu