Gæta skal að samkeppnissjónarmiðum við útleigu og sölu húsnæðis á vegum hins opinbera

• Sækja skjal
• Málsnúmer: 1/2012
• Dagsetning: 28/9/2012
• Fyrirtæki:
  • Samkeppniseftirlitið
• Atvinnuvegir:
  • Sérfræðiþjónusta og önnur þjónusta
  • Fasteignasala
• Málefni:

  Engin málefni finnast

• Reifun
  Samkeppniseftirlitið hefur beint þeim tilmælum til opinberra aðila, hvort sem er á vettvangi ríkis eða sveitarfélaga, að þeir leiti tilboða í hlutlægu, málefnalegu og gagnsæju ferli þegar húsnæði eða önnur takmörkuð gæði eru seld eða leigð út til aðila sem stunda samkeppnisrekstur. Við ákvarðanir um skilmála, s.s. um sölu- eða leiguverð, eða tímalengd leigu, skal þess gætt að samkeppni sé ekki skekkt.
   
  Rannsókn Samkeppniseftirlitsins á útleigu mennta- og menningarmálaráðuneytisins á húsnæði Héraðsskólans að Núpi í Dýrafirði til hótelreksturs var ein af ástæðum útgáfu álits nr. 1/2012. Hér má nálgast afrit af bréfi Samkeppniseftirlitsins til mennta- og menningarmálaráðuneytisins, dags. 27. ágúst 2012, þar sem komist er að þeirri niðurstöðu að það hvernig ráðuneytið stóð að útleigu húsnæðisins hafi haft skaðleg áhrif á samkeppni í skilningi b. liðar 1. mgr. 16. gr. samkeppnislaga.