Landsréttur hafnar kröfum Símans vegna samstarfs Sýnar og Nova í Sendafélaginu
Á árinu 2015 heimilaði Samkeppniseftirlitið Vodafone (nú Sýn) og Nova að hafa með sér tiltekið samstarf um rekstur dreifikerfis fyrir farsímaþjónustu, sbr. ákvörðun nr. 14/2015 . Síminn vildi ekki una samstarfinu, einkum að því er varðaði samnýtingu tíðniheimilda sem af því leiddi.
Landsréttur hefur með dómi sínum í dag hafnað kröfum Símans og dæmt hann til greiðslu málskostnaðar. Áður hafði áfrýjunarnefnd samkeppnismála og héraðsdómur Reykjavíkur hafnað kröfum Símans.