Ársskýrslur

Með breytingum á samkeppnislögum á árinu 2020 var lögð sú skylda á Samkeppniseftirlitið að gefa út ársskýrslu um starfsemi sína. Fram til þess tíma gaf eftirlitið ekki út ársskýrslu á hverju ári. Þess í stað varði Samkeppniseftirlitið fjárhaglegu svigrúmi til útgáfumála í útgáfu ýmissa skýrslna um samkeppnismál og miðlaði jafnframt upplýsingum um starfsemi sína á heimasíðu eftirlitsins. Á árunum 2005-2021 hefur Samkeppniseftirlitið gefið út yfir 50 skýrslur, eða rúmlega 3 skýrslur á ári að meðaltali. Þar af hafa um 10 skýrslur verið skrifaðar og gefnar út í samstarfi við önnur samkeppniseftirlit á Norðurlöndum.

Samkeppniseftirlitið hefur birt ársskýrslur á ensku flest ár, en það er liður í samstarfi samkeppniseftirlita á vettvangi Efnahags- og framfarastofnunarinnar (OECD).