Fulltrúar Eftirlitsstofnunar EFTA (ESA) heimsóttu
skrifstofur Samkeppniseftirlitsins í Borgartúni í vikunni og sátu árlegan vinnufund
með starfsfólki eftirlitsins. Þrjú aðildarríki að Fríverslunarsamtökum Evrópu
(EFTA) eiga aðild að ESA en það eru Ísland, Noregur og Liechtenstein.
Stofnunin, sem er staðsett í Brussel, hefur það hlutverk að
fylgjast með framkvæmd og tryggja fullnustu EFTA-ríkjanna að samningnum um
evrópska efnahagssvæðið, en þar undir falla samkeppnismál.
Á fundinum var meðal annars farið yfir þau málefni sem
ber hæst hjá ESA og Samkeppniseftirlitinu þessi misserin auk þess sem
áframhaldandi samstarf stofnananna tveggja var rætt.
Að venju var fundurinn afar gagnlegur, fróðlegur og
ánægjulegur og Samkeppniseftirlitið þakkar fulltrúum ESA fyrir komuna.
"*" gefur til kynna skyldusvið
