Á fundi sínum þann 6. júlí sl. tók samkeppnisráð ákvörðun (nr. 18/1999) vegna yfirtöku Baugs hf. á Vöruveltunni hf., sem rekið hefur 10-11 verslanirnar. Baugur keypti öll hlutabréf í Vöruveltunni þann 21. maí sl. og yfirtók þar með rekstur verslunarkeðjunnar 10-11. Í ákvörðun sinni kemst samkeppnisráð að þeirri niðurstöðu að með hliðsjón af túlkun dómstóla á samrunaákvæði samkeppnislaga séu ekki lagalegar forsendur, á grundvelli þess ákvæðis, fyrir íhlutun samkeppnisyfirvalda í yfirtöku Baugs á Vöruveltunni.
Óháð þessari niðurstöðu samkeppnisráðs verður áfram unnið að ítarlegri athugun á samkeppnis- og viðskiptaháttum á matvörumarkaðnum sem hófst fyrir nokkru.
Fréttatilkynning á PDF formi (PDF skjal – Opnast í nýjum glugga)
"*" gefur til kynna skyldusvið
