Samkeppniseftirlitið hefur til meðferðar samruna Frjálsa lífeyrissjóðsins og Lífeyrissjóðs Tannlæknafélags Íslands.
Frjálsi lífeyrissjóðurinn og Lífeyrissjóður Tannlæknafélags Íslands eru lífeyrissjóðir sem starfa samkvæmt lögum nr. 129/1997 um skyldutryggingu lífeyrisréttinda og starfsemi lífeyrissjóða. Starfsemi sjóðanna felst í móttöku iðgjalda, vörslu og ávöxtun fjármuna sjóðfélaga, greiðslu lífeyris auk þess sem Frjálsi lífeyrissjóðurinn veitir sjóðsfélögum sínum fasteignalán.
Samrunatilkynning vegna samruna Frjálsa lífeyrissjóðsins og Lífeyrissjóðs Tannlæknafélags Íslands, þar sem tilkynnendur lýsa samrunanum og samkeppni frá sjónarhorni lífeyrissjóðanna, er aðgengileg hér.
Öllum hagaðilum og áhugasömum er hér með veitt tækifæri til þess að koma á framfæri sjónarmiðum vegna þessa samruna, til dæmis um möguleg áhrif samrunans á samkeppni varðandi móttöku og ávöxtunar lífeyrissparnaðar, veitingu fasteignalána til sjóðsfélaga, aðstæður á viðkomandi mörkuðum og um önnur atriði sem lífeyrissjóðirnir fjalla um í samrunatilkynningu eða atriði sem umsagnaraðili kann að vilja koma á framfæri vegna samrunans.
Umsagnir sendist með tölvupósti á gogn@samkeppni.is og vegna lögbundinna tímafresta í samrunamálum skulu þær berast eigi síðar en mánudaginn 9. mars nk.
Innihaldi umsagnir trúnaðarupplýsingar er mikilvægt að taka slíkt fram og senda einnig eintak þar sem trúnaðarupplýsingar hafa verið fjarlægðar.
"*" gefur til kynna skyldusvið
