Áfrýjunarnefnd samkeppnismála

Ákvörðunum Samkeppniseftirlitsins má áfrýja til sérstakrar nefndar, áfrýjunarnefndar samkeppnismála. Skrifleg rökstudd kæra skal berast nefndinni innan fjögurra vikna frá því að aðila máls var tilkynnt um ákvörðun Samkeppniseftirlitsins. Með kæru til áfrýjunarnefndar skal fylgja málskotsgjald, að upphæð 200.000 kr., sem endurgreiðist ef málið vinnst fyrir nefndinni, og rennur gjaldið í ríkissjóð. Áfrýjunarnefnd samkeppnismála tekur kæru ekki til meðferðar nema málskotsgjald fylgi. Samkvæmt samkeppnislögum skal úrskurður áfrýjunarnefndar liggja fyrir innan sex vikna frá áfrýjun. Áfrýjun frestar hins vegar ekki gildistöku ákvarðana Samkeppniseftirlitsins.

Í áfrýjunarnefnd samkeppnismála sitja þrír menn og jafnmargir til vara, skipaðir af viðskiptaráðherra eftir tilnefningu Hæstaréttar. Formaður og varamaður hans, sem jafnframt er varaformaður, skulu uppfylla hæfisskilyrði hæstaréttardómara, en aðrir nefndarmenn skulu hafa faglega kunnáttu á sviði samkeppnis- og viðskiptamála. Skipunartími áfrýjunarnefndar er hinn sami og skipunartími stjórnar Samkeppniseftirlitsins.

Áfrýjunarnefnd samkeppnismála er skipuð þannig

Jóhannes Karl Sveinsson, hæstaréttarlögmaður, formaður.
Anna Kristín Traustadóttir, viðskiptafræðingur.
Stefán Már Stefánsson, prófessor.

Varamenn

Lárus L. Blöndal, hæstaréttarlögmaður, varaformaður.
Brynhildur Benediktsdóttir, hagfræðingur.
Kristín Benediktsdóttir, héraðsdómslögmaður.

Ritari áfrýjunarnefndar

Sonja M. Hreiðarsdóttir, héraðsdómslögmaður.

Netfang nefndarinnar

afryjun.samkeppni(hjá)simnet.is
Símanúmer. 849 1309
Fax.  510 1101

Kærur til áfrýjunarnefndar sendist

Áfrýjunarnefnd samkeppnismála
c/o Sonja María Hreiðarsdóttir hdl.
Skipholti 50d, 4. hæð.
105 Reykjavík