Þann 14. júlí 2011 barst Samkeppniseftirlitinu tilkynning um kaup Bifreiðainnflutnings ehf. (BIF) á 60% eignarhlut í Toyota á Íslandi ehf. af Landsbankanum hf. Í tilkynningunni kom fram að Landsbankinn hf. hafði þann 23. júní 2011 keypt alla eignarhluti í Toyota af Landsbanka Íslands hf. og selt um leið 60% eignarhlut í félaginu til BIF. Markmið samrunans væri að tryggja áframhaldandi rekstur Toyota. Gert væri ráð fyrir að dótturfélag að fullu í eigu Landsbankans myndi áfram fara með 40% eignarhlut bankans í Toyota.