Eimskipafélag Íslands hf. og Sæferðir ehf.

• Sækja skjal
• Málsnúmer: 29/2015
• Dagsetning: 13/10/2015
• Fyrirtæki:
  • Eimskipafélag Íslands hf.
  • Sæferðir ehf.
• Atvinnuvegir:
  • Samgöngur og ferðamál
• Málefni:
  • Samrunamál
• Reifun

  Eimskipafélag Íslands hf. festi kaup á öllu hlutafé Sæferða ehf. og öðlaðist þar með yfirráð í heild yfir félaginu. Sæferðir ehf. reka Breiðafjarðarferjuna Baldur en aðalstarfsemi Eimskipafélags Íslands hf. eru sjóflutningar auk landflutninga í gegnum dótturfélag. Þá rekur Eimskipafélag Ísland hf. ferjuna Herjólf sem siglir til Vestmannaeyja. Samrunaaðilar starfa því á tengdum mörkuðum og var talin hætta á því að samruninn gæti leitt til neikvæðra samkeppnislegra áhrifa einkum á landflutningamarkaði. Samkeppniseftirlitið taldi því brýnt að grípa til íhlutunar og endaði málið með því að samrunaaðilar gengu undir tiltekin skilyrði með sátt.