Lyfja hf. hefur tilkynnt Samkeppniseftirlitinu að félagið og eigandi XY-lyfja ehf., sem rekur Borgar Apótek, hafi komist að samkomulagi um að falla frá fyrirhuguðum kaupum Lyfju á öllu hlutafé félagsins. Af þeim sökum hefur samrunatilkynning vegna viðskiptanna verið afturkölluð.
Samruninn var tilkynntur Samkeppniseftirlitinu með fullnægjandi hætti þann 17. apríl 2026. Í forviðræðum við samrunaaðila í aðdraganda samrunatilkynningar og við rannsókn málsins komu fram vísbendingar um að samruninn gæti haft skaðleg áhrif á samkeppni. Kynnti Samkeppniseftirlitið samrunaaðilum þær áhyggjur sínar, m.a. í bréfi þar sem þeim var tilkynnt um þörf á frekari rannsókn samrunans.
Í tilkynningu frá Lyfju kemur fram að telji fyrirséð að samþykki Samkeppniseftirlitsins muni ekki liggja fyrir vegna samrunans. Hafi þeir því ákveðið að falla frá viðskiptunum.
Með afturköllun samrunatilkynningarinnar lýkur meðferð Samkeppniseftirlitsins á málinu.
"*" gefur til kynna skyldusvið
